Urfilm shorts 2 lea oanehisfilbmačoakkáldat filmmain maid eamiálbmotfilbmadahkkit Sámis, Aotearoas ja Perus leat ráhkadan. Bileahtaid ii galgga ovdagihtii várret.

Čájehanáigi: 50 minuhta.

Čuovgga ráhku sisa čákŋalit / Crawling into a tear of light (Sápmi)

Čuovgga ráhku sisa čákŋalit guorahallá bottoža go ganjal máilmmis rahpasa, ja juoga rievdá ođđa hápmái, ovtta dilis nubbái, áiggi, meanuid, jápmima ja eallima čađa. Filbma mátkkošta iešguđet máilmmiid gaskkas mat visot muitalit juoidá oaidnemeahttun suonain mat čatnet oktii olbmo, eatnama ja vuoiŋŋa.

Sevdnjeslanjas dárkilis áigemeroštallamiiguin, muttágis kemikálaiguin ja gamus dovdamiin ealáska analoga filbma, šelges govat rivdet lihkastahkan. Dego livččii noaidume, nu iđistit ealli govat doppe. Dát lea muitalus vásáhusas go geahččala ahte geahččala dahkat eallima, go unna soaittáhagažat mearridit ja go dábálaš eallin seahkána laboratoriabargguide ja medisiinnalaš dárkilvuođaide. Dat lea maiddái muitalus dološ vierus ođđabeaigálláin, mii lea juohke ođđabeairuohta Olmmáivákkis. Dán meanus cogget vákki ássit ilgadis hámaid, biktasiid ja bielluid, ja vázzet vákkis ja baldalit gehččiid mat luoddaguoras leat sin geahččame. Meannu vuolgá árvideames šattolašvuođameanuin, baldit eret visot ovddežiid ja dahkat saji ođđasii.

Rešissevrrat: Elina Waage Mikalsen ja Magnus Skei Holmen.

Kusi Smiles (Peru)

Oassálastin árbevirolaš bearaščoagganeamis Andesváriin luvve juoidá Kusis. Kusi, gii ii leat sáhttán lávlut eatnis jápmima rájes, deaivvada dál iežas morrašiin ja vuolgá dálkkoduvvot iežas olbmuid gaskkas ja oktavuođas eatnamiin.

Rešissevra: Sisa Quispe.

Red-Shaded Green / Röopses rovnedamme goh kruana (Sápmi)

Röopses rovnedamme goh kruana lea poehtalaš dokumentára luonddubillistemiin ruoná energiija namas. Filbma lea muitaluvvon oarjelsámegillii, mii lea áitojuvvon giella man dušše 500 hupmet. Filmma jietnan lea árbevirolaš sámi juoigan. Dáiddahápmin galgá luohti govvidit dahje dahkat oainnusin olbmo, ealli dahje báikki.

Filmma luohti, mii lea muitun váriide, dan lea oarjelsámi girječálli ja muitaleaddji Emma Sofie Joma Rustad bidjan ja juoigan. Son bijai dan go vuosttaš geardde oinnii daid mearehis stuora bieggaturbiinnaid Fovsenis, ávvudeapmin álgovuolggalaš birrasii mii doppe okte lei.

Filbma leat Arctic Indigenous Film Fund ja Telefilm Canada ráhkadan oassin « Witness: Arctic Indigenous Voices » nammasaš oahpahusprográmmas. Bargobájis ledje vihtta árktalaš eamiálbmotrešissevrra geat ráhkadedje sierranas filmmaid das mo dálkkádatrievdamat váikkuhit olbmuide Árktisis.

Rešissevra: Johannes Vang.

Payback (Aotearoa)

Go čálgoossodaga čiegus, bahás ovdagáttut eai šat gierdda beaivečuovgga, de joavku mas leat vuorddekeahtes sáŋgárat vuosttaldišgohtet áššemeannudeaddji geas leat gáržžes oaivilat.

Rešissevra: Mia Blake.