Mii leat nu lihkolaččat go oažžut Shadia Mansouri váldolávdái dán jagáš festiválas! 

Shadia Mansour, maiddái gohčoduvvon "The First Lady of Arabic HipHop", lea palestiinnalaš MC, lávlu ja buvttadeaddji, gii čuojaha arábalašgillii. 

Shadia debuterii musihkka lávddis 2002:s, njunnošis almmolaš miellačájehemiin Londonis nuppelotjahkásažžan, seammás váccii skuvlla ja universitehta. Son vuosttaš geardde lávkii lávdái demonstrašuvnnas Londonis vuostálastin dihte lobihis okkupašuvnna Palestiinas. Son lohká ahte arábalaš hip-hopa rolla lea  "ilmmiviidát ovddidit dáistaleami jiena", seammás go dat addá dehálaš lávddi artisttaide.  

Pionearan Shadia lea leamaš mielde hábmemin olles musihkalaš lihkadusa mas politihkalaš diđolašvuohta lea guovddážis. Su dovdomearka lea su erenomáš rap- ja lávlunstiilla ja árbevirolaš palestiinnalaš thobe ovdanbuktin. 

Son lea maiddái bargan dovddus artisttaiguin ja buvttadeddjiiguin, earret eará irahkalaš buvttadeddjiin Sandhill ja Ana Tijouxain.   

Dál boahtá Riddu Riđđu váldolávdái, ja mii illudit vásihit Palestiinnalaš hiphopa ovttas iežamet geahččiiguin!