Dán fertet beare vásihit! Ailu Valle ja AMOC máhccaba Riddu Riđu váldolávdái ja dán háve Boogiemen joavkkuin! 

Ailu Valle ja AMOC njuikeba Riddu Riđđu váldolávddi ala ovttas Boogiemeniin - Patrik Fält, Oula Guttorm og Juho Kiviniemi. Konsearttas gullat bihtáid AMOC ja Ailu boahttevaš oktasaš albumas ja maiddái beakkán jiellatšuoŋaid. 

Ailu Valle lea dovddus su čiekŋalis davvisámegielat rap-deavsttain ja ealas energiijas lávddi alde. Valle lea almmustahttán golbma soloalbuma ja leamaš mielde máŋggain iešguđet šáŋrraid prošeavttain. Jagis 2020 son oaččui buoremus bihtáčálli bálkkašumi Sámi Music Awardsis ja jagis 2019 Suoma stáhtabálkkašumi. 

AMOC lea vuosttas anárašgielat rap-artista ja lea guoimmuhan garra rap-musihkain badjel 20 jagi. Son govvida iežas šáŋrra horror rappan, ja lea beaggán riikkarájáid rastá musihkainis, mii lea ožžon inspirašuvnna ee. Sámi mytologiijas ja hirpmus oruhiin. AMOC almmustahtii vuosttas albumas "Amoc-kaččâm" jagis 2007 ja válljejuvvui seamma jagi ”Jagi nuorra eurohpálažžan”. 

Ii leat eahpádus, dát šaddá issoras buorre! 
Mii illudit váldit vuostá sin, ja vuordit hirbmat buori movtta ovddabealde lávddi.