Mii leat nu lihkkoš go dán jagi festiválas beassat vásihit minikonseartta oappážagain Tia ja Fawn Wood, geat gullába Dán Jagi Davviálbmogii! 

Fawn Wood lea bálkkašuvvon Cree ja Salish artista, árbevirolaš lávlu, kulturgaskkusteaddji ja gielladáiddár Kanadas eret. Son lea dovddus erenomáš nana jienastis ja lea son bálkkašuvvon JUNO-bálkkašumiin buoremus árbevirolaš álgoálbmotartistan. 

Fawna nuorat oabbá, Tia Wood, vuolggahii iežas karriera máŋga čuovvoleddjiid bokte sosiála mediain, gos máŋggas liikostedje su čáppa jitnii oanehis videoin. Ovttas buktiiba oappášguovttos erenoamáš seaguhusa iežaska máŋggabealat ovdanbuktimiin lávdái.

Ale vajálduhte dán hárvenaš vejolašvuođa oaidnit Wood-oappážaid juohkit iežaska jienaid, muitalusaid ja vuoiŋŋa dakkár lanjas mii fátmmasta sihke sudno individuála dáiddalašvuođa ja sudno nana oktavuođa.

Oaidnalat Bálddalávuin!