Where dreams are forgotten – Kalalliit Nunaat
Unna servodagažis lullin Kalaallit Nunaatas rahčet ássit postkoloniála dáistaleamis vearránusa ja ovdáneami gaskkas. Dán dáistaleamis vajálduvvu dávjá nuorat geardi. Ruonáeatnanlaš mánáidáittardeaddji celkkii ná filmma birra: “Dáinna filmmain lea rešissevra áibbas deaivil; deaivá duohtavuođa. Ja dušše go dán filmma geahččat gohččojuvvot mii doaimmahišgoahtit.”

Filbma lea ollásit ruonáeatnanlaš buvttadeapmi, ruonáeatnanlaš bargiiguin ja ruonáeatnanlaš funkšuvnnain, ja musihka nai lea ruonáeatnanlaš musihkar Jukka Wagnholt dahkan. 

GOEKSEGH - Sápmi
Galbma dálveija leaba Bräjhta ja Aanta ealu guođoheame. Go Bräjhta dahká beare stuora dola de guovssahas suhttá ja njámasta mánáid ilmmiid gaskii!

Filmma lea Oskar Östergren Njajta rešisseren. Son orru Deartnás ja lea Sámi Filbmabargiid Searvvi nubbijođiheaddji. Dán filmmas dáhttot buvttadeaddjit ja rešissevra nannet sámi mánáid gullevašvuođa ja giela, ja dasa lassin juohkit min eamiálbmotfilosofiija máilmmiin. Dahkkit háliidit veahkehit mánáid ipmirdit ja árvvus atnit eatnama – eadnámet, aktan elliiguin ja oaidnemeahttun ilmmiiguin. 

The Clay She is made Of - Canada
Filbma guorahallá Katsitsianékarens (Almmi Nisu) muitalusa álggu. Son gahčai Almmi Máilmmis ja su áittardedje luonddu gáhppálagat mat loahpas šadde Galbarihccihiid Suolun. Oahppu Almmi Nissona muitalusas bálddastahtto filbmadahkki Mohawk-etniin: mii galgat gahččat almmi čađa – njuolgut ja metaforalaččat, luonddu máilbmi lea dás doarjume min, ja min bargu lea rahčagoahtit hábmet ođđa duohtavuođa midjiide ja daidda min birra. Olles filbma lea Kanyen'kehá:ka (Mohawk) gillii eŋgelas tekstemiin. 

Kahstoserakwathe Paulette Moore lea Kanyen'kehà:ka (Mohawk) filbmadahkki ja podcastar ja ássi Six Nations of the Grand River Haudenosaunee Territorys lulli-Ontarios Kanadas. Lea The Aunties Dandelion mediaorganisašuvnna miel-oamasteaddji, mii čalmmustahttá eamiálbmot servodagaid ealáskahttima muitalusaiguin eatnamiin, gielain ja oktavuođain. 

Muskoke return to Alabama - Canada
Maŋŋel go 180 jagi leat gollan ja báhcán leat unnán ealli giellageavaheaddjit, de máhccá Muskokeálbmot eatnamasaset ja álggahit ekologalaš gili. Filbma govvida Muskokeálbmoga dáistaleami giela ja kulturealáskahttima, lunddolaš huksema ja regenratiiva eanandoalu ovddas. Vuođđun lea eatnama árvvusatnin ja čieža buolvva-vuođđoipmárdus. Filmma vuosttaščájálmas máilmmidásis lea Riddu Riđđus!

Theodore Jojolas Indigenous Design ja Planning Institute leat ráhkadan dán. Rešissevra lea Kenzie Greer, buvttadeadji fas Kahstoserakwathe Paulette Moore. 

Whispers of Reindeer Milk - Sápmi
Whispers of Reindeer Milk lea okta sámi oanehis filbma ráhkaduvvon Mihkkal Hættas ja Ándaras Leonardsen:as. Dat filbma iská ovtta eará duohtavuođa gos máhttut nagodedje čiegat eret árbedieđu kolonisttaiguin. Filbma dahpahus lea mátki sámi eananguovlluid čađa ja muitaluvvo rábas, guhkes ja miellagiddevaš govaiguin.