Jus áigu duolbmat álbmoga, de vuos njeaidá dan vuoiŋŋalašvuođa. Nu lea ge geahččaluvvon Sámis, muhto dál ollugat čujuhit ahte mii fertet boktalit min dološ sámi luondduoskku gáhtten dihtii luonddu. Lea go riekta máhcahit juoidá mii masá lea jávkan? Ja diehtit go mii rievtti mielde mo mii árbevirolaččat oskuimet? Dán ságastallamis Katri Somby, Fredrik Prost ja Elin Kåven guorahallet sámi vuoiŋŋalašvuođa árvvu dáláš Sámis.

Giella: Davvisámegiella

Mii lea Lávvosáhka? 
Dán jagi almmuha Riddu Riđđu ođđa konseapta, mii lea oassin semináraprográmmas: Ságastallanráidu mii gohčoduvvo Lávvosáhka. Dát ságastallamat leat Bálldalávuin, ja ságastallamiid ulbmil lea guođđit oarjemáilmmi ságastallanmálliid ja máhccat eahpeformála ságastallamii.