Jietnaduovdagis, man vuođđun lea improvisašuvdna ja latnja gaskal gájanasa ja ritmmaid, deaivvada Hildá eteralaš vokála Tuomasa samplingaiguin. Tuomas Norvio bargá jietnahábmejeaddjin, komponistan, musihkarin ja buvttadeaddjin ja sus lea duogáš elektronikas. Hildá Länsman lea beaggán komponistan, teakstačállin ja bálkkašumiid vuoiti musihkarin, ja vel juoiganárbevieru áŋgiruššin. Dát guovttis leaba dahkan musihka ovttas jagi 2017 rájes ja čuojaheaba vuosttaš geardde Riddu Riđđus dán geasi.

Dán konseartta dorjot Finsk-norsk kulturinstitutt (FINNO).