Háliidatgo deaivvadit eará eamiálbmotnuoraiguin? Háliidatgo oahppat lávu cegget? Háliidatgo oaidnit čaffadis konsearttaid? Leatgo gaskal 13 ja 25 jagi boaris? Searvva nuoraidprográmmii Riddu Nuorat. 

OZA DÁS

• Riddu Nuorat lágiduvvo gaskavahkus sotnabeaivái, Riddu Riđđu festivála áigge. 

• Min vuolit ahkemearri lea 13, muhto mii háliidat ahte oassálastit galget leat badjel 15 jagi. Dá lea nuoraidprográmma gos ferte birget iešheanalaččat.  

• Deaivvadeamis beasat deaivvadit eará eamiálbmotnuoraiguin miehtá máilmmis. 

• Oassálastindivat gokčá festiválabileahta Riddu Riđđui, borramuša ja orruma skuvllas, mii lea áibbas lahka festiválaguovllu. 

• Deaivvadeamis geavahuvvo davvisámegiella, dárogiella ja eŋgelasgiella.  

• Muitte ahte prográmma lea alkoholaheapmi! 

• Prográmma: Beasat oahppat sihke Lakota-vugiin bearralit ja “Hoop dance”, cegget lávu ja mii maid čájehat nuoraidfilmma ja vel eambbo.  

Haddi oassálastit:  

• Dutnje sáddejuvvo sierra Nuorat bileahttakoda maŋŋilgo du ohcamuš lea dohkkehuvvon. 

• Biebmu: Buot oasseváldit ožžot nuvttá iđit- ja beaivebiepmu ja váldomállása festivála áigge. 

• Mátki: Riddu Riđđu máksá mátkki eanemusat 1000 NOK. Sádde midjiide mátkerehkega mátkki maŋŋá ja bija mielde mátkegoluide guoski guittiid. Lea dehálaš vurket buot guittiid! 

Eanet dieđut prográmmas bohtet! 

Riddu Nuorat lágiduvvo ovttas Noereh:n, NSR-Nuorain ja Suoma Sámi Nuorain. 

E-poasta: [email protected]