Juohke jagi bovde Riddu Riđđu muhtin eamiálbmoga festiválii leat Dán jagi davviálbmot. Festivála atná dehálažžan hábmet gávnnadanbáikki eamiálbmogiidda ja addit eamiálbmogiidda lávddi mas muitalit iežaset muitalusaid. Dán jagi lea Riddu Riđđu válljen erenoamážit čalmmustahttit Lakota álbmoga kulturdovddastemiid Dán jagi davviálbmot-prográmmaoasis. Dánsun, rumbu ja lávlun šaddet dehálaš oassin gaskkusteamis dán jagi Riddu Riđđus. 

Riddu Riđđu guossit besset deaivvadit ollu dáiddáriiguin ja kulturguddiiguin geat barget kultuvrrain, duddjomiin, musihkain, politihkain. Sii leat buohkat dehálaš Lakota jienat. 

Dán jagi davviálbmot-beaivi lea erenoamážit láhččon dán jagi guosseálbmogii. Lávvordaga suoidnemánu 15.b. dii. 14-16 besset guossit buorebut oahpásnuvvat Lakota-álbmogin. Dasa lassin galgá Dán jagi davviálbmot leat guossoheaddjin iežaset tipis ja sierra lávus Riddu Siiddas, gos guossit besset gávnnadit singuin ja oassálastit iešguđetlágán doaimmain.

Dorjon: Utenriksdepartementet.