Árbevirolaš sámi almmáiolbmos vurdojuvvo ahte dievdu fuolaha iežas bearraša, ja ahte son birge olgun buotlágan dálkkiin. Bivdu, guolásteapmi ja boazodoallu leat leamaš vuđđolaš oasit árbemáhtu fievrrideamis buolvvas bulvii, muhto eiseváldiid reguleren, vuoigatvuođarihkkumat ja sirdašupmi ruhtaekonomiijai lea nuppástuhttán visot. Dál lihkostuvvan dávjá čadnojuvvo oahppoválljemii dahje earálágan barggolašvuhtii. Sáhttágo dát rievdadit sámi dievdduid ipmárdusa iežaset maskuliidnavuođas? Mo dát váikkuha sámi áhččirollai? Ja lea go dát ovdáneapmi dásseárvohástalus? 

Giella: Dárogiella.

Moderáhtor: Aili Keskitalo.

Panela: Áslat Holmberg, Geir Tommy Pedersen, Ketil Lennert Hansen ja Mathis Eira.

Ságastallan lea ovttasbargu Dievdolávdegottiin.