Frank Waln lea Sicangu Lakota logadalli, guhte lea Rosebud nammasaš reserváhtas eret mii lea South Dakota stáhtas, ja son lea máŋgga šáŋgara musihkkdáiddár ja kuráhtor. Sus lea jietnadáidagis ja akustihkas BA-dásat oahppa Columbia College nammasaš universitehtas mii lea Chicago-gávpogis, ja doppe sutnje juolludedje gávpothoavdda bálkkašumi (Mayor's Award) su siviila áŋgiruššamiid (Civic Engagement) geažil.

Frank Waln lea ožžon máŋga riikkalaš bálkkašumi, dáiddárstipeanddaid ja fitnanvejolašvuođaid bargguidisguin, ja vel golbma Native American Music bálkkašumi. Son lea leamaš sihke Harvard universitehta ja Native Arts and Cultures Foundation Artist Fellowship guossedáiddár. Frank Waln lea dáiddárin čájehan iežas dáidaga dávvirvuorkkáin ja dáiddalágádusain málmmi miehtá, ja su fitnanbáikkit leat leamaš omd. Smithsonian National Museum of the American Indian, Linden Museum Duiskkas ja Kennedy Center. Frank Waln lea maid leamaš ovdan radio- ja TV-prográmmain, maid ee. MTV, ESPN, Al Jazeera ja NPR leat sádden. Kuráhtorin Frank Waln gieskat plánii ja válmmastii geasuheaddji musihka ođđa čájáhuslatnjii maid gohčodedje Native American Exhibition Hall, ja mii lei Field Museum nammasaš dávvirvuorkkás Chicago-gávpogis.