Ovdagihtiidieđiheapmi DÁS 

Searvva min rájáid rasttildeaddji eamiálbmot filbmabargobádjái. Bargobájis leat guokte deaivvadeami: Duorastaga mii digaštallat álgoálbmot filbmabuvttadeami, ja de mii plánet iežamet oanehis filmmaid maid buvttadat boahtte maŋit guovtti beaivvi. Lávvardaga čájehat oanehis filmmaid maid leat ráhkadan. 

Dáppe sáhtát geavahit buotlágan filbma šlájaid: dokumentárat, dánsun, máinnasteapmi, geahččalanfilbma, dahje maid dal de háliideažžat. Eai leat makkárge rájit. Álggedettiin oažžut moadde láidesteami. 

Mii sávvat buohkaide bures boahtima, sihke álgoálbmogiidda ja earáide. Hástalat erenoamážit sin geain lea filbmačuohppan vásáhus dieđihit. Jus omd. máhtát buvttadit videoid TikTok:i de lea dat ge doarvái buorre. Mobiilatelefovdna ja veahá vásáhus lea doarvái. Dát lea stoagus! Filbmenbarggut čađahuvvojit joavkkuin. Mii juohkásat joavkkuide bargobájis. Boađe okto dahje ovttas ustibiin. 

Searvva iluin buvttadeapmái! Mii láhčit oadjebas báikki du muitalus ráhkadeapmái. Don leat dat áidna gii sáhtát muitalit iežat muitalusa. 

Filbmagiella: Don válljet (ávžžuhat tekstema) 

Bargobádji bistá golbma beaivve:

Duorastaga 13.7 dii. 11:00 – 14:30

Bearjadaga 14.7 Filbmen

Lávvardat 15.7 dii. 15:30 – 17:00

Lágideaddjit:

Kahstorserakwathe Paulette Moore, filbmadahkki, giellaberošteaddji, muitaleaddji ja miellahttu Six Nations of the Grand River guovllus.

Frances Ulman, ovddeš klinihkalaš psykologa prošeavttas man namma lea USA, ja gii dál orru Sámis ja Mongolias, muitalleaddji gii čalmmustahttá daid kolonisttalaš váttisvuođaid. Dáid beivviid son dávjá gullo ságastallamin eará bassi buorideddjiiguin dahje vuoiŋŋain. Francessa muitalusat basi ja profána birra leat juogaduvvon su "Not All Spirits Are Jerks" - podkasttas, čállosiin ja YouTube:as.

Torakas Mikalsen, okta Riddu Riđu vuođđudeddjiin, sámi giella- ja historjáberošteaddji ja guolásteaddji.

Bargobádji lea eaŋgalasgillii.