“Suoidnekaboomas” deaivvadit bohccočoavjjit ja gámasuoinnit lávdedáidagiin ja ealli rupmašiiguin. Čájálmas guorahallá fysalaš ávdnasiid, ávdnasiid iešvuođalaš vejolašvuođaid ektui ja kultuvrralaš geavaheami ja konteavstta ektui. 

Maŋŋá bovdejumi ráhkadit ođđa dáiddadahkosiid Dáiddadálu 10 jagi ávvudeapmái, lea Máret Ánne Sara bovden lávdedáiddáriid Anitta Katriina Suikkari ja Anja Saiva Bongo Bjørnstad, Alexandra Wingate ja Li Taiga muitalit ja dulkot muhtun oasi dain fysalaš materiálain ja dáidagiin maiguin Sara lea bargan maŋemus jagiid, erenoamážit temáhtalaš oktavuođain "Pile o'Sápmi" ja dáiddadahkosa ráidduin Venezia Biennalenii 2022. "Suoidnekaboom" lea čájálmas mas ovttaskas dáiddalašvuohta ja iešguđet dáiddafágalaš suorggit, vásáhusat ja gelbbolašvuohta, deaivvadit friddjan.

 Mo váikkuha guhkesáigge deaddu kompleaksa siskkáldas eanadahkii, iežas ja earáid ektui? Man muddui siskkáldas eallin eallá dássálaga olgguldas eallimiin, ja maid dat dahká olbmuide, gaskavuođaide ja servodahkii? 

Visuála dáidda ja dáiddalaš jođiheaddji: Máret Ánne Sara 
Lihkastagat ja jietnamateriala: Anja Saiva Bongo Bjørnstad, Anitta Katriina Suikkari, Li Taiga, Alexandra Wingate ja Ánna-Kátri Helander. 
Lávddi alde: Anja Saiva Bongo Bjørnstad, Anitta Katriina Suikkari ja Alexandra Wingate. 
Koreografiija ja buvttadeaddji: Alexandra Wingate 
Assisteantta visuála dáidda: Li Taiga 

Mielbuvttadeaddji: Dáiddadállu 

Dorjon leat Dáiddafoanda, Kulturdirektoráhtta ja Davvi guovddáža lávdedáidda leat dorjon. 

Erenoamáš giitu: Beaivváš Sámi Nationálateáhterii, ja Ole Tomas Nilut, Jan Cato Nilut ja Olav Johan Eira teknihkalaš veahki ovddas. 

Biografiijat: 

Máret Ánne Sara lea dáiddár ja girječálli Guovdageainnus eret. Sara guorahallá ávdnasiid sámi konteavsttas ja geavahusas, sihke ávnnaslaš ja eahpeávnnaslaš konteavsttas, ja son lea geavahan sámi subjeaktavuođa sihke dáidagis ja servodagas. Sara lea oassálastán ollu riikkaidgaskasaš čájáhusain, earret eará "Documenta 14" 2017:s ja Venezia Biennalenis 2022. Sara lea nominerejuvvon Davviriikkaid Ráđi mánáid- ja nuoraidgirjjálašvuođa bálkkašupmái 2014:s ja lea ostojuvvon earret eará Nationálamuseas. 

Anitta Katriina Suikkari lea freelance lávdedáiddár ja lea guhkes hárjáneapmi teáhteriin, filmmain ja TV:s 45 jagi badjel. Son orru Guovdageainnus ja lea bargan sámi lávdedáidagiin 30 jagi. Dáiddadálu miellahttuvuohta lea movttiidahttán su dutkat ođđa hámiid performatiivvalaš dáidagis. 

Anja Saiva Bongo Bjørnstad eret Guovdageainnus eret lea freelance neavttár geas lea oahppu Stáhta Teáhterallaskuvllas 2009-2013. Son lea bargan filmmain ja tv:in, leamaš mielde 8 buvttadeamis Beaivváš Sámi Nationála teáhteris ja lea 2015 rájes leamaš Dáiddadálu miellahttu 

Alexandra Wingate lea ruoŧŧelaš koreográfa, buvttadeaddji ja proseassa gaskkusteaddji. Improviseren ja partiturráhkadeapmi leat váldovuogit ovddidit ja ollašuhttit su barggu, ja garrasit čalmmustahttit mielčálliiguin bargama. Son lea ovttasbargan Elle Sofe Sarain, Ina Dokmoin, Lena Kimming:in, Liv Schellander:in, Josefina Björk:in ja Ställberg ruvkkiin.