Mii illudat hirbmadit gullat Kalaallit Nunaata reggae go Sauwestari lávke lávdái dán geasi! 

Sauwestari lea ođđaáigásaš reggaejoavku Kalaallit Nunaatas mii lea njuiken musihkkamáilmmi njunnošii vuosttaš skearruinis Sauwestari, mii almmuhuvvui miessemánu 26. beaivvi 2023. Joavku ásahuvvui čielga mihttomeriin: leavvadit positiiva energiija, ráhkisvuođa, gudnejahttima ja birasdiđolašvuođa musihkaset bokte. Sii leat jođánit šaddan okta dain eanemus čuojahuvvon namain Kalaallit Nunaatas ja leat juo ožžon dovddus KODA-bálkkašumi. 

Skearru lea čállán ja buvttadan Fabrizio Barzanti ja ámmátlaččat seaguhan ja masteren dovddus dánskalaš buvttadeaddji Pharfar. Jonas Nilssona energiijalaš rumbbuiguin, Paaliit Mølgaarda poehtalaš vokálain ja Minik Hansen ja ráppár Pilutaq Lundblad čállán teavsttaiguin, seaguha musihkka árbevirolaš reggae ođđaáigásaš ovdanbuktimiiguin. 

Guossebihtát dánskalaš artisttain nugo Pede B ja Asger B addet musihkkii lassi čiekŋalisvuođa.

 Sauwestari namas lea čiegus mearkkašupmi mii čujuha reggae álgui Jamaicas, ja joavku háliida dahkat reggae eambbo oidnosii Kalaallit Nunaata beaivválaš musihkkaeallimis. Go leat logi musihkkára lávddis, de sii ovdanbuktet energiijalaš njuolggočájálmasaid, ja maŋŋel go leat vuovdán olles turnea miehtá Ruonáeatnama, de leat sii dál gergosat olahit muđui máilbmái. 

Nu ahte mii sávvat geahččit leat gergosat návddašit Kalaallit Nunaata reggae Riddu-giettis.