Romssa riikkaidgaskasaš filbmafestivála lea báiki gos jikŋon eatnamat deaivvadit ealli govaiguin. Festivála lágiduvvo davábealde poláragierddu, juste dalle go skábma luoitigoahtá. Dat lea ealli filbmaávvudeapmi, gos leat sullii 70 000 galledeaddji jahkásaččat. Festivála oalgeprográmma Films from the North čájeha buoremusa davviguovlluin, mas leat álgoálbmotjienat nannosit ja eanet aht eanet leat gávdnamis. Badjel 25 jagi lea dát oassi čájehan oanehisfilmmaid, dokumentáraid ja fikšuvnna Davvi-Norggas, Ruoŧas, Suomas, Ruoššas, Kanadas, Sámis, Alaskas, Islánddas ja Kalaallit Nunaatas.

Jagi 2025 válljen – Álgoálbmotprográmma – čuovvu beaivváža birra eatnanspáppa, Ruonáeatnamis gitta Norgii, ja čalmmustahttá fámolaš muitalusaid miehtá Árktisa. Dál lea Riddu Riđđu vuorru!

Filbmabuvttadeaddji Linn Henriksen, gii ovddasta oanehisfilbmagilvvu vuoitofilmma In My Hand, ovdanbuktá prográmma čájehanbottas.

In My Hand (Sápmi) 

In My Hand lea gievrras duohta muitalus mii guorahallá sihke persovnnalaš ja historjjálaš dáistalemiid sámi álbmoga dihte. Filbma lihkada giddagasa, miellačájehusaid ja surrealisttalaš deaivvademiid gaskkas, ja fállá erenoamáš geahčestaga ovtta olbmo erenoamáš mátkái. Loahppasátni lea fámolaš gohččun luonddu suodjalit. 
Bagadalli: Liselotte Wajstedt ja Marja Helander.

Sikoqqingisaannassoq (Kalaallit Nunaat ja Norga) 
Inuihttaservodat Kalaallit Nunaat (Ruonáeana) vásiha dálkkádatrievdama váikkuhusaid dálvemeara jieŋaide. Sullo nuorat čállet sániid mat govvidit sin lagaš oktavuođa lundui jikŋii – báikkálaš vástádus globála fámuide. Oaidnit go mii sikoqqingisaannassooq álgima – boahtteáiggi mas ii leat mearrajiekŋa?
Bagadalli: Adam Sébire.

Raven (Kanada) 
Davvi-Kanada Gwich’in-álbmoga vuoras olmmoš niegada maŋimuš Datrin (Gáranas) mii lea báhcán. Geainna humadivččet jus don livččet maŋemus olmmoš gii hupmá du giela? Niehkosekveansa rievdada árgabeaivválaš dáhpáhusa myhtalaš vásáhussan. Douglas Joe (White River First Nations) vuittii vuosttašbálkkašumi Dawson City riikkaidgaskasaš filbmafestiválas Raven ovddas. 
Bagadalli: Douglas Joe.

Ukko (Ruošša) 
Eahkeda ovdal ádjá hávdádeami fuobmá unna nieiddaš ahte su ráhkis gussa lea jávkan. Vai gávdnat ealli, de ferte son gulahallat jábmiid máilmmiin. Dát gárjjálašgielat filbma ovttastahttá hámálaš govvema ja imašlaš muitalusa gos rájit badjellunddolašvuhtii sihkkojuvvojit eret. 
Bagadalli: Arina Mado.