Bearaščájálmas: Arctic Circus Line
Arctic Circus Line doallá klovdnašovva dán geasi Mánáidfestiválas!
Arctic Circus Line lea ivdnás, liekkus ja leaikás klovdnašovva, man mihttun lea buktit čuovgga ja ilu sihke nuoramusaide ja vuorraseappuide. Šovva lea boađus kreatiivvalaš ovttasbarggus gaskal čeahpes neavttáriid Nukakkuluk Kreutzmanna, Klaus Geislera ja Malu Lynge, geat ovttas hárjánan ruoŧŧelaš rešissevrrain, Nalle Laanelain, leat hábmen čájálmasa mii lea sihke eahpediehttevaš ja hui ealas. Ollu bargobájiin, main stoahkan ja hutkás proseassat leat leamašan guovddážis, leat sii ráhkadan šovva man vuođđun lea hearvás timing, fysalaš leaikkastallan ja čiekŋalis ipmárdus klovnna magiijas.
Arctic Circus Line ii leat dušše šovva – dat lea vásáhus. Lávdemáilmmiin mii fille govahallat, ja ollu hearvás rollaiguin, njámastit gehččiid mátkái ivdnás sirkusii gos njuolggadusaid galgá rihkkut ja buot sáhttá dáhpáhuvvat. Dáiddárat háliidit dahkat máilmmi gos mánát ja rávisolbmot besset boagustit, imaštallat ja leahkit dál ja dás. Čájálmassii leat čáhkkehan sihke dan mii lea imaš, dan maid ii vuordde ja dan mii lea lahka, ja dat lea hábmejuvvon nu ahte čatná neavttáriid ja gehččiid oktasašvuhtii.
Illudit sakka geahččat dán ivdnás klovdnašovva Mánáidfestiválas!
Boahttevaš dáhpáhusat
