Dáiddačájáhus lea fágaidrasttildeaddji dáiddaprošeakta mii guorahallá sámi maskuliidnavuođakultuvrra duoji, bonjudáidaga, performance ja filmma bokte.   

Moanat dáiddáriid barggut leat I'm a Sámi Boy nammasaš čájáhusas, duojáriin ja visuálalaš dáiddáriin Kai Mikkel Baltoin váldodáiddárin. Balto lei 2024:s Dán jagi nuorra dáiddár Riddu Riđđus ja lea dan dihte ožžon dán vejolašvuođa hábmet dáiddačájáhusa dán jagi festiválas. 

I'm a Sámi Boy bovde nuorra sámi dáiddáriid kommenteret machokultuvrra ja sohkabeallerollaid Sámis. Dát ii leat dušše čájáhus, muhto maiddái bovdehus 
rabas ságastallamii sohkabeliid, identitehta ja fámu birra Sámis. 

Riddu sessions 2025:  

Jagis 2024 nammaduvvui Kai Mikkel Balto Dán jagi nuorra dáiddárin Riddu Riđđu Festiválas ja lea danin leamaš fárus Riddu Sessionsis, mii lea festivála sierra prográmma nuorra sámi dáiddáriidda.  

Dán jagi Riddu Sessions lea Kai Mikkel Balto I'm a Sámi Boy nammasaš dáiddačájáhus, mii maiddái lea dán jagi festiválačájáhus Riddu Riđđu Festiválas.    

Riddu Sessions bokte oahpásmuvvá geahčči buorebut Balto viidodagain duoji ja visuálalaš dáidaga siskkobealde. 

Mielde I’m a Sámi Boy čájáhusas: 

Kai Mikkel Balto 

Agnes Konst Matheussen 

Mihkkal Hætta 

Ánde Somby 

niilas helander 

Ritni Ráste Pieski 

Nils-Aslak Valkeapää 

Mentor: Anna-Stina Svakko 

Curator: Siri Mari Vitalis Larsen 

Sáhttá dan geahččat duorastagas lávvordahkii bie. 10:00 – 18:00 ja sotnabeaivvi 10:00 – 14:00. Čájáhus bissu Davvi Álbmogiid Guovddáš gitta čakčamánu 
lohppii.