Dát ságastallan bidjá jurdagiid johtui bonjuvuođa, álgoálbmotkultuvrra ja kultuvrralaš bajáshuksema birra. Ságastallamii servet nana jienat, mat dáidaga ja aktivisma bokte láhčet saji bonju álgoálbmotolbmuide miehtá máilmmi.

Panelaoassálastit kritihkalaččat geahčadit identitehta, gullevašvuođa ja vuostehágu, ja loktejit perspektiivvaid bonju čalmmustahttinlihkadusa njunnožis. Sin perspektiivvat leat čiekŋalit čadnon aktivismii, ja sii aktiivvalaččat ovdanbuktet dekoloniála vugiid historjjá muitaleami, drag, dánsuma ja performatiivadáidaga bokte.

Ovttas sii gažadit maid dat mearkkaša váldit ruovttoluotta bonju álgoálbmotidentitehta dálá áigge - dakko bokte ahte hástalit sajáiduvvan narratiivvaid ja ávvudit vuostálastima mii lea eallán buolvvas bulvii.

Giella: Eŋgelasgiella 

Moderáhtor: Tatjana Kolpus (Garmeres) 

Panel: Ritni Pieski, Quanah Style, Scott Wabano ja Nimkish O'Sullivan-Younging