Davviguovllut leat garra deattu vuolde. Stuorafámut spellet geopolitihkalaš spealu territoriaid ja resurssaid nalde ja čájehit hui unnán beroštumi guovllu olbmuide. Fuollameahttun fámostallan orru leahkime máilmmi politihka deháleamos šiehtadallanvuohki. Dán dilálašvuođas ferte dáidda oidnosii dáistaleapmái. 

Nunatta Isiginnaartitsisarfia (Kalallit Nunaata našunálateáhter) deaivvada Nordting / The Northern Assembly (dovddus čuorvvascealkagiin "Make the North Great Again!") oktasaš manifestašuvdnan solidaritehtii, oktavuođaide ja suverenitehtii. Dás lea Kalaallit Nunaata hápma- ja rumbodánsa, musihkka oljofáhttii ja goikeguollái, apeallat, levgen ja ovttaslávlun.  

Guokte beali Árktisas deaivvadit riikkaidgaskasaš, erenoamáš ovttasbargui Riddu Riđu váldolávddis, ja geavahit dáidaga arenan hukset vuostálastima. Dát ii leat čájálmas, dat lea oktasaš vuostálastin; sihke poehtalaš ja politihkalaš, sihke jaskat ja rieddjái. 

Searvva The Arctic is Not for Sale! kampánnja almmuheapmái.  

Mielde: 

Berthinnguaq Geisler 

Klaus Geisler  

Nukakkuluk Kreutzmann 

Glenn Møller  

Malu Lynge 

Vivi Sørensen 

Inuk Brandt Petersen 

Joshua Qaumariaq 

..... 

..... 

Amund Sjølie Sveen 

Lisa Pedersen 

Erik Stifjell 

Vegard Krane