Suõmmkar
Ráhkkanehket Suõmmkarii Riddu Riđđus!
Suõmmkar ovttastahttá árbevirolaš nuortalaš musihka ođđaáigásaš nuohtaiguin. Anna Lumikivi ja Hanna-Maaria Kiprianoff leaba joavkku váldoolbmot ja lávlut, ja joavku ovdanbuktá ođđaáigásaš vuohkái árbevirolaš nuortalaš musihka. Daid mielde leat musihkkárat Marko Jouste (mandoliinna, gitára), Pessi Jouste (fidjola), Uula Jouste (bássa) ja Elias Nieminen (rumbbut ja perkušuvdna).
Joavku almmuhii vuosttaš skearru Suõmmkar jagis 2018. Skearrus leat sihke iežaset komposišuvnnat ja árbevirolaš melodiijat mat leat vižžon historjjálaš arkiivačoakkáldagain. Dat speadjalastá mo nuortalaš giella ja kultuvra lea nagodan eallit jahkečuđiid čađa ja ollu hástaleaddji historjjálaš áigodagaid čađa.
Nubbi skearru, Peäccam da Paččjokk, almmuhuvvo jagis 2025. Skearru fáddán leat nuortalaš árbevierut Peäccama ja Paččjoga guovlluin – mat leat maiddái báikkit, gos Anna Lumikivi ja Hanna-Maaria Kiprianoff sogaid ruohttasat leat.
Suõmmkar fállá gelddolaš jietnamáilmmi man mii illudit hui sakka gullat Riddus!
Dán konseartta lea Oulu2026 dorjon.
