Árdna-balkkašupmi: Dán jagáš buoremus masterčálus eamiálbmotfáttás.

UiT ja Sámi dutkamiid guovddáš juohkiba bálkkašumi dán jagáš buoremus masterčállosii eamiálbmotfáttás. Bálkkašupmi geigejuvvo dan kandidáhttii gii maŋimus lohkanjagi lea čállán dan buoremus masterčállosa mas lea fáddá mii lea čadnon eamiálbmogiidda ja eamiálbmogiid dilálašvuođaide. Bálkkašupmi lea 10 000 ruvnno.