Dán geasi lea Inga Mollis váldolávddis!  

Skiervvás boahtá okta dain gelddoleamos ođđa jienain davvinorgalaš popmusihkas. Inga Mollis lea bajásšaddan oskubirrasis gos musihkka adnojuvvui leat heitot, nu ahte odne son muitala identitehta ja friddjavuođa muitalusaid. Son čállá ja lávlu iežas suopmana mielde, ja teavsttat leat sihke rašit ja kompromissaid haga. Son ráhkada lávlagiid mat deivet njuolga raddái ja leat rehálaččat, nuohtalaččat ja fámolaččat.  

Son šattai easkka dovddusin go vuittii beassat čuojahit VG-lista Topp 40:s gos čuojahii iežas lávlaga “La mæ leve” olmmošvalvvi ovddas Rådhusplassenis Oslos. Dan maŋŋil son čuojahii Norway Cupas ja su vuosttaš festiválačuojaheapmi lei Alta Live festiválas. Son lea maiddai nationálalaččat gullon go sihke NRK P1 ja NRK P3 Urørt leat viššalit čuojahan su musihka. Dasa lassin lea son juogadan lávddi Tjuvjakt joavkkuin Ruoŧa #1 hittain “Tusen spänn” FOMA-festiválas. Dál vuordit ođđa oláhusaid festiválagesiin ja vuosttaš EP:in.