DJ Eric Terena buktá klubbačoahkki mas álgoálbmotmusihkka, elektrovnnalaš ritmmat ja luonddu báddejumit šaddet oktan. Sus leat ruohttasat Terena álbmogii Pantanal-guovllus Brasilas ja hukse šalddiid gaskkal árbevieru ja dálá áiggi, ja rahkada saji masa álgoálbmotšuoŋat ja máhttu deaivvadit ođđaáigásaš elektrovnnalaš musihkain hávskes seaguhusas. 

Buvttadeaddjin, dálkkádataktivistan ja DJ:n de lea son loaiddastan festiválain, dáiddaarenain ja riikkaidgaskasaš konfereanssain earret eará ON dálkkádatčoakkáldagain. Su musihkka inspirerejuvvo sihke álgoálbmotárbevieruin, brasilialaš ritmmain ja globála klubbabáikkiin ja ráhkada dakkár ovdanbuktima mii lea sihke ođas ja sajáiduvvan. 

Son buktá klubbačoahkki Riddu Riđđu festivalii mas leat árbevirolaš šuoŋat, bássalinnját ja elektronalaš govvosat. Son lea boahtimin gitta Brasilas – dán fertet vásihit! 

Fuomáš: lágideamis lea vuolimus ahki 18 jagi.