“Mun čevllohalan iežan ceavzimis, iežan diđolašvuođas, iežan vuoiŋŋalašvuođas, iežan ipmárdusa luonddus, sila ja dat mat leat ilmmiid gaskkas. Mun human máŋga giela, ja lean čeahppi albmanahttit rupmaša bokte ja máhtan gulahallat sániid haga. Mun lean njuorravuohta ja rabasvuohta; mun lean leahkin; mun lean dás ja dál; mun luohtán proseassaide. Mun lean gierdevaš, heivehan buori lágiin, mun lean ruonáeatnálaš – mun lean rámis” 

Vásit Reumert-bálkkašumi vuoiti ja ruonáeatnálaš neavttára ja dramatihkkára Aviana Steinbacher dán fámolaš, roavva ja dovddolaš čájálmasas nuorra ruonáeatnálaš nissona birra ja su deaivvadeami Dánmárkkuin, ráhkisvuođain, rasismmain ja su persovnnalaš mátki sutnje ja su kultuvrrain. Son láide min poehtalaš máilbmái ja inspirere lihkadusaid ruonáeatnálaš dánssas, Facebook-kommentáraide ja oktovuođas ráhkisvuođa ohcamii ja vaši ja gáhtamuša luobaheapmái. 

Aviana Steinbachera birra: 

Aviana Steinbacher lea skuvlejuvvon neavttár Grønland Nationalteaters neavttárskuvllas. Su bargu čatnasa nannosit su ruonáeatnanlaš identitehtii ja politihkalaš diđolašvuhtii. Su dáiddalaš práksisa bokte geahččala ráhkadit saji ruonáeatnanlaš perspektiivvaide lávddis, seammás go hástala daid stereotyhpalaš govaid main ruonáeatnálaččain leat Dánmárkkus. 

2023:s de oaččui son Reumert-bálkkašumi su rollas The Arctic Summit (Freeze Productions) filmmas. Son lei maid mielde Marlukasiulluta//Let's Talk About It- čájálmasas, gos son maid debuterii dramatihkkárin. Dasa lassin lea son mielde DR - nuoraidráiddus Salsas. 

Mánus: Aviana Steinbacher 

Rešissevra ja dramaturgiija: Hanne Trap Friis 

Buvttadeapmi: Teater freezeProductions. 

Giella: Eaŋgalasgiella, Dánskkagiella