“ Alternative Ways of Organising ” lea guovttebeaivásaš prográmma mas lea ovttasbargu OCA:in (Office for Contemporary Art Norway) čalmmustahttit Relational Paths. Art Beyond Reconciliation. Ideas and Creations from Sápmi and Abya Yala publikašuvnna almmuheami.  Loga eanet publikašuvnna birra dáppe.  

Dán oasis prográmmas ovdanbuktet doaimmaheaddjit publikašuvnna, ja dan maŋŋá čájehuvvo Tejido del tiempo [Áiggi gođus] Colectivo Cherani čájáhus, man Riddu Riđđus ovddastit Bethel Cucué, Giovanni Fabián, Francisco Huaroco ja Alain Silva Guardián. Filbma lea P’urhépecha-álbmoga vuostálastima birra Mexicos 2011:s, go báikkálaš servodat mearridii vuostálastit kriminála joavkkuid mat ledje doaibman guovllus máŋga jagi.  

Maŋŋá filmma lea oanehis Q&A Colectivo Cheraniin.  

Boađe geahččat dán fámolaš filmma ja oahpásmuvvat P’urhépecha álbmoga historjái!  

Filmmas lea spánskkagiella ja tekstejuvvon eaŋgalasgillii ja bistá 45 minuhta. 

Alternative Ways of Organising:

Dát lea Cherán K’eri nammasaš báikegotti visuála dáiddáriid kollektiiva, mas leat Ariel Pañeda (1966), Francisco Huaroco (1977), Betel Cucué (1990), Alain Silva (1991) ja  Giovanni Fabián(1993). Sii čatnet sin hutkálaš proseassa kultuvrralaš árbáseaset, mas leat váljit vierut ja árbevierut, ja govvidit dan bargguideaset bokte main atnet moanat govvateknihkaid ja dáiddálaš disipliinnaid nugo grafihka, fotografiija, bácciid ja installašuvnnaid, earet eará.  Sii vižžet inspirašuvnna iežaset sosiála, lunddolaš ja symbolalaš birrasis, oktavuođas iežaset eananguvlui ja p’urhépechaidentitehta luonddus, ja nannejit ságastallama mii oktiičatná muittu ja dálááiggejurddašeami. Dehálaš prošeavttain gávdnat earet eará «Uinapikua» (MUAC, Mexico 2021), Vera List Centre Forum (New School, New York 2023), XVI biennála Cuencas Quizá Mañana (Ecuador 2023), «Pasado de tiempo Historias Indígenas» (São Paulo, Brasil 2023), «Reinventing America» (Franz Mayer-musea, Mexico 2024) ja «Karamu Kucatá» (Hammer Museum, Los Angeles 2025).