Riddu Riđđu: 

Riddu Riđđu festivála lea riikkaidgaskasaš álgoálbmotfestivála mii jahkásaččat lágiduvvo Gáivuonas Norggas. Váldo-osiin geavvá festivála olgoáimmus, ja prográmma heive olles bearrašii; omd. mánáidfestivála, nuoraid-camp, dáiddavuosehus, girjjálašvuohta, lávdedáidda, musihkka, filbmaprográmma, seminárat ja kurssat. Festivála-campas sáhttá nuvttá tealttástallat ja lávostallat.