Viimmat beassat juohkit ođđasa ahte Kajsa Balto lea Riddu Riđu váldolávddis 2025:s!  

Kajsa Balto lea dovddus musihkkaovdanbuktimiin mas lea dakkár intensitehta ahte geasuha gehččiid, ja su konsearttat gártet nana vásáhussan buohkaide geat guldalit. Dan dihte mii leat erenoamáš movttegat go su beassat oaidnit váldolávddis dán geasi! 

Erenoamáš ovdanbuktimiin ovttastahttá Balto boares árbevieruid ođđaáigásaš jietnamáilmmiin. Musihkas leat ruohttasat juoigamis, ja lea šáŋŋerrasttildeaddji ovdanbuktin mii njuovžilit ja intuitiivvalaččat lihkada indie, pop, rocka ja máilmmimusihka gaskkas. Son lea hirpmáhuhtti vuogi mielde ráhkadan šaldi ovdalaš ja dálá áiggi gaskkas. Musihka bokte son gaskkusta muitalusaid bearrašisttis ja buolvvaid traumaid birra váibmoláđis ja fámolaš vugiin.  

Balto lea rámiduvvon sihke dáppe ruovttus ja olgoriikkas, ja lea maŋemus jagiid čalmmustahttán iežas earenoamáš jietnaovdanbuktimiin. Maŋimuš jagiid lea son maid ovttasbargan beakkán orkeastariiguin nugo Arktisk Filharmoniain ja Kringkastingsorkesteretiin ja lea mátkkoštan sihke Norggas ja riikkaidgaskasaččat.  

Mii ille nagot vuordit geassái! It don ge? Soaitá ahte bileahtta veahkehivččii du vuordimis.