![Formidlerprisen](/sites/default/files/styles/hero/public/2024-07/nettsak_header_16.png?itok=TD1u7J4d)
TONO's Formidler-bálkkašupmi 2024 Riddu Riđđui
Riddu Riđu festivála rahpamis geigejuvvui midjiide TONO gaskkustanbálkkašupmi 2024. Bálkkašupmi juhkkojuvvo jahkásaččat «erenoamáš musihka gaskkusteaddjái».
Stivrajođiheaddji Bente Ovedie Skogvang ja TONO ovddasteaddji Sten Ove Toft hirbmástuhtiiga festiválajođiheaddji Sajje Solbakk bálkkašumi geigemiin. Jury árvvoštallan lohkojuvvui ge das:
«Dál lea duođai áigi fuomášuhttit dan mii geavvá Gáivuonas, dahje Gáivuona suohkanis Davvi-Romssas.
Vuođđudanjagis 1991 eai lean gallis geat jurddašedje ahte dát báiki šattašii fápmoguovddážin álgoálbmogiid musihkkaárbevieruid ovddideapmái ja gaskkusteapmái ja erenoamážit sámi musihka. Nu lea šaddan, giitosin Riddu Riđu festiválii mii dál lea 33 jagi.
Riddu Riđđu álggii kulturfeastan mii ávvudii ja oidnosindagai mearrasámi kultuvrra 90-logu álggus. Stárgasit ja áŋgiris roahkkadisvuođain lea festivála ovdánan, ja dál geasuha jahkásaččat sullii 7000 guossi sihke lagaš ja guhkelis guovlluin.
Riddu Riđđu lea riikkaidgaskasaš njunnožin iežas segmeantta siskkobealde ja danne lea jury ilus ja rámis nammadit festivála TONO Gaskkustanbálkkašumi 2024 vuostáiváldin.»
Mii leat giitevaččat go oažžut dán bálkkašumi ja atnit árvvus go min bargu mearrasámi festiválan ja oktan máilmmi stuorámus lávddiin eamiálbmotdáidaga várás árvvusin atnojuvvo.
Ollu giitu TONO:i bálkkašumi ovddas, ja giitu min ovttasbargoguimmiide, eaktodáhtolaččaide ja publikii geat dahket dán vejolažžan!