Urfilm shorts: 1. oassi

Filmmat

"Eadni juoiggastivččet go" (2020)
Mu filbmamuitalus lea mu eatni birra – manne juoiggadettiin jávohuvvá. Min unna oappáš, Ánne Májjá jámii dušše 7-jahkásažžan, ilgadis busselihkohisvuođas 20 jagi dassái. Mun in leat šat dan rájes eatni gullan juoigamin oabbárohkki, dan beaivve jámii su juoiganmokta maid. Mun geahččalan ohcat vástádusa jávohisvuhtii mii báhcá go lagamusat eret vádjolit ja manne eadni jávohuvvá.

Bagadalli: Máret Inger Aslaksdatter Anti
(15 min.)
 
"Kor e mine čorva?" (2020)
Mun lean mánnávuođa rájes jo gullan eagi Rávn'Asllat Lásse muitalusaid, ja ovtta su máŋgga muitalusain háliidin mun dokumenteret.
Muitalus lea mu eagi mánnávuođas go unnin sáddejuvvui áibbas okto Hámmárfestii buohccevissui, ja gárttai doppe orrut njeallje mánu. 
Nu son molsu giela, sámegielas dárogillii.
Dát lea áigeguovdilis dokumentára mii čájeha dáruiduhttima.

Bagadalli: Máret Inger Aslaksdatter Anti
(17 min.)
 
"Mii" (2020)
Dát oanehis dokumentára čájeha buolvvaid ráhkisvuođas. Filbma muitalus lea mo okta bearaš ovttasráđiid čovdet dramáhtalaš dili maid sii vásihit ja mo luohtebottut čovdet čuolmmaid. Nuorra doavttir, Máret Lájlá Nedrejord, geahččala veahkehit áhkus ja ádjás. Son geavaha veahkkin árbevirolaš čehppodaga nannet áhkus ja ádjás sihke psyhkalaččat ja silolaččat. Su áhkus, Johanas-Elles leamaš vuoiŋŋaščaskástat guktii ja lea massán hállama. Áddjá, Káre-Máhtte, lea ges muittohuvvan ja muittaša dávjá dan áigge go ieš lei alimus boazobargi. Filmmas oaidnit luođi fámu go muittut bohciidit.

Bagadalli: Máret Inger Aslaksdatter Anti
(20 min.)
 
"Gáidát / Máhccát"
(2021)
Gáidát / Máhccát lea eksperimentealla muitalus álgoálbmotsielu birra gii iská birgehallat ja ceavzit koloniála máilmmis.

Bagadalli: Sunna Nousuniemi / Niillasaš Jovnna Máreha Juhani Sunná Máret
(4 min.)
 
Filbmačájáhus bistá 56 min.
Filmmat čájehuvvojit golbma geardde festivála áigge: duorastaga, bearjadaga ja lávvordaga.
Filmmat čájehuvvojit Nisga’a-viesus. Dohko ferte ovddalgihtii várret saji. Dan lea vejolaš dáhkat vuossárgga 12.7 rájes. Buohkat geat leat oastán bileahta festiválii ožžot dieđu dán birra e-poasttas.

share

The next events

Riddu siida
12:00
Riddu Siida
Riddu siida
12:00
Riddu Siida
13:30
Galleriija
13:30
Nisga'a Longhouse
13:00
Kulturlatnja
15:30
Lávddáš
Čájálmasat
17:30
Lávddáš
19:30
Lávdi
Konsearttat
20:00
Lávdi
Konsearttat
21:30
Lávdi