"Ruoná almmi vuolde" - ságastallan Odd Marakatt Sivertsena girječállima birra

Girjjálašvuohta

Deaivvat girječálliin ja govvadáiddáriin Odd Marakatt Sivertsenain ságastallamis Irene Larseniin.

Odd Marakatt Sivertsen gii lea Gáivuonas eret, geavaha iežas sámi ja lestadiánalaš duogáža inspirašuvdnan iežas buvttuin. Son debuterii girječállin 2008:s iešbiografiijain Med havet i hånden. Girji govvida lestadiánalaš bajásšaddama Ivgus mii lei hui pietisttalaš ja ipmilbalolaš, muhto servodagas lei maid nana searvevuohta ja gullevašvuohta. Dáid áiggiid lea Marakatt Sivertsen gárveme romána Biertavári ruvkkiid birra. Marakatt Sivertsen lea maiddái rámiduvvon govvadáiddár riikkaidgaskasaččat. So govat leat čájehuvvon earret eará Århusas, Kárášjogas, Sumiainenis ja Berlinas.

Irene Larsen (r. 1964) lea diktačálli ja oahpaheaddji gii lea Skiervvá suohkanis Davvi-Romssas eret. Su mearrasámi duogáš ivdne su govvarikkis kontrásttalaš poesiija davvinorgalaš eallima historjjálaš, myhtalaš ja ođđaáiggi geahččanguovllus. Son lea 2015 rájes bargan oahpaheaddjioahpus Romssa árktalaš universitehtas. Sus leat maiddái leamaš bargogohččumat Kultuvrralaš skuvlaseahka/Den kulturelle skolesekken ovddas. Sámekultuvra, árgabeaivveeallin ja myhtalašvuohta báidná Larsena lyrihka, ovttas ođđaáigásaš, urbána ja máilmmiviidosaš fáttáiguin. 

share

The next events

15:30
Lávddáš
Čájálmasat
17:30
Lávddáš
19:30
Lávdi
Konsearttat
20:00
Lávdi
Konsearttat
21:30
Lávdi