Máilmmipremiere sámespivkkaide mat leat suohttasat!
Reaškkas lea máilmmi vuosttas olleseahket sámi stand-up-eahket! Ovttas humordronnegin Trine Lise Olsen leat oasseváldit suokkardallan mii lea sámi humor, ja bohtosa čájehit sii Riddu-lávddis.
Reaškkas lea: Isalill Kolpus, Ánne Márjá Guttorm Graven, Ánte Siri ja Åse Kathrin Vuolab.
Reaškkas heive nuoraide ja rávisolbmuide.
Reaškkas čájehuvvo guktii: lávddážis ja kultursállás. Kultursállái ferte ovddalgihtii várret saji. Dan sáhtát dáhkat vuossárggas festiválavahkkus. Buohkat geain lea festiválabileahtta ožžot dieđu dán birra e-poasttas.