Nannudahka, (guoddevašvuohta julevsámegillii), lea čájáhus man vuolggan lea duodji ja mii jođaša árbevieru ja dálááigge gaskkas.  

Lágideapmi atná vuođđun váimmusguovllu – dan mii lea váimmu lagamusas – mas muittut, vásáhusat ja oktavuohta báikkiiguin govviduvvojit duoji bokte. Guoddevaš ja ekologalaš lahkoneapmi báidná doaimma, mas ávdnasat vižžojuvvojit báikkálaš guovllus ja dikšojuvvojit vuođu rájes. Dainna doalahuvvo ealli ja árvvusadni oktavuođa luondduin.  

Duodji deaivvada odne ođđa eavttuiguin, mas dálkkádatrievdamat váikkuhit ávnnasháhkama ja hábmejit bargguid. Nannudahkas šaddá duodji juoga mii eallá, mas máhttu sihke gaskkustuvvo ja ovdána.   

Nannudahka ii leat dušše čájáhus, dat lea latnja ja báiki gosa sáhtát boahtit ja dušše leahkit. Bures boahtin Nannudahkai!  

ElleMina Kuoljok Baer lea eret Johkamohkis ruoŧabeale Sámis ja lohká maŋemus jagi duoji ja designa bachelora Guovdageainnus. Duodji lea leamaš lunddolaš oassin ElleMina Kuoljok Baera bajásšaddamis, mas máhttu lea dolvojuvvon buolvvas bulvii. Sus leat máttut sihke julev- ja davvisámi guovlluin, mii fas lea dovdomearkan das maid son hábme. Dáiddalaš doaimmastis gávnnada árbevjuvvon máhttu ođđaáigasaš hámiin: mas doaibma, ávnnasmmáhttu ja sámi hábmengiella lea guovddážis.   

2025:s nammaduvvui ElleMina Kuoljok Baer Dán jagi nuorra dáiddárin Riddu Riđđu Festiválas ja son lea maŋemus jagi leamaš searvvis Riddu Sessionsis, festivála iežas prográmmas nuorra sámi dáiddáriidda. 

Dán jagi Riddu Sessions lea dáiddaintallašuvdna mas geahččit buorebut oahpásmuvvet Kuoljok Baera viidodagain duoji ja visuála dáidaga siskkobealde.  

Dán jagi nuorra dáiddár ja Riddu Sessions nammasaš doaimmaid dorjot Talent Norge, Servodatlokten/SeastinBáŋku1 Davvi-Norga ja Lásságámmi vuođđudus. 

Govva