Urfilm Shorts 1 lea oanehisfilbmačoakkáldat filmmain maid eamiálbmotfilbmadahkkit Sámis, Kanadas ja USAs leat ráhkadan. Bileahtaid ii galgga ovdagihtii várret. Čájehanáigi lea 50 min, ja čájehuvvo Nisga’a viesus. 

På Grensa (SÁ/NO) 

Rešissevrra: Johannes Vang.

Norgga duollár, Suoma suolaguollebivdi ja mystihkalaš Ruoŧŧa nissonolmmoš deaivvadit sin ruovtturiikkaid rájáin ja riiddut bohciidit lágaid, giela ja ovdagáttuid geažil. Go iežas čiegusvuođaiguin deaivida, de ferte gávdnat eahpedábálaš čovdosa. 

Tuktuit : Caribou (CA) 

Rešissevra: Lindsay McIntyre. 

Eksperimentála dokumentára mii lea ráhkaduvvon giehtadáhkkun- ja gieđahallon emulšuvnnain ja dakkár mii guorahallá lagaš ja bistevaš oktavuođaid gaskal inuihtaid, bohccuid, jeahkáliid ja areálageavaheami. Jeagil geavahuvvo govaid ráhkadeames, gotti duljiin dahkko gelatiidna vai sáhttá ráhkadit giehtaemulšuvnna.  Filbma lea eanaš báddejuvvon Nunavutas, gos gottit rahčet doalahit eallinvuogi, dakkár dilis mas leat buollinroasut, muosehuhttimat guohtoneatnamis ja dilálašvuohta mii lea rievdamis. 

POW! (USA) 

Rešissevra: Joey Clift. 

Eamiálbmotmánná Davvi-Amerihkás geahččala doaivvuhisvuođas beassat láddet speallanađa mii lea jápmime, dan botta go lea huššás, tribálagaskasaš powwowa. 

HINA (NZ)

Rešissevrra: Dolina Wehipeihana ja Louise Pōtiki Bryant.

Te Hākari guovllus máhccá nuorra nisu máttuid eatnamiidda, ja de muitigoahtá.
Inspirerejuvvon Ngāti Tukorehe birasgáhttenbarggus Kapiti rittus Ođđa Zealánddas, HINA gudnejahttá nissonfámu mii lea buolvvas bulvii johtán, ja dan nanu oktavuođa wāhine ja whenua gaska (nissonat ja eatnamat).