Girjeságastallan: Harald Gaski “Vuoiŋŋalašvuohta”
2025:s de almmuhii Harald Gaski girjji Vuoiŋŋalašvuohta – Samisk Åndelighet, ja doaibmá láidehussan vuoiŋŋalaš dimenšuvdnii movt sámit oktavuohta lea eatnamiidda ja čáziide, sámi vuolggasajis ja sámi árbevirolaš máhtu vuođul. Girji čilge mo máhttu gávdno ja lea ovdal gávdnon, myhtaid, oskku, muitalusaid, ovdanbuktimiid, báikenamaid ja gielladovddahemiid bokte.
Maid muitala sámi báikenamat guovlluid birra? Ja makkár mearkašupmi lea vuoiŋŋalašvuođas go mii nannet ja suodjalit eatnamiid ja čáziid. Boađe oahppat ovtta min čeahpimusain.
Giella: dárogiella.
Marit Anne Hauan jođiha ságastallama.
Dát ságastallan lea ovttabargu Mun dajaniin - Searvi Sámi girječálliide.
Harald Gaski birra:
Harald Gaski lea bargan professorin sámi kultuvrras ja girjjálašvuođas UiT Norgga árktalaš universitehtas Romssas ja professor sámi girjjálašvuođas Sámi allaskuvllas (Sámi Universty of applied sciences) Guovdageainnus. Gaski lea čállán máŋga girjji sámi kultuvrra ja girjjálašvuođa birra, ja lea doaimmahan antologiijaid sámi girjjálašvuođas sámegillii, dárogillii ja eŋgelasgillii, ja lea maiddái čállán máŋga čuođi artihkkala mat gusket sámi dutkamiidda ja sámi kultuvrraide. Son lea maid jorgalan sámi girjjálašvuođa dárogillii ja eŋgelasgillii, ee. bálkkašuvvon multidáiddár Nils-Aslak Valkeapää. Gaski lea dutkan sámi myhtaid, luđiid ja árbevieruid, ja maiddái álgoálbmotestetihka. Son lea guhkibut áiggis leamaš redaktevran máŋgga sámi kulturáigečállagiin, earret eará Sámis, mii ain almmuhuvvo guktii jahkái. Son lei váldodoaimmaheaddji (2020-2025) Sámi dieđalaš áigečála (SDÁ), maid Sámi allaskuvla ja UiT ovttas almmuhit.
Gaski lea leamaš bivnnut logaldalli sihke sisriikkalaččat, davviriikkalaččat ja riikkaidgaskasaččat, ja lea ožžon sihke gaskkustan- ja dutkanbálkkašumi, ja lea maiddái ožžon Ubmi universitehta gudnedoavttergráda. Harald Gaski lea dál ealáhagas, muhto lea ain aktiiva ja searvá prošeavttaide sihke Norggas ja olgoriikkas. Su vuosttaš girji almmuhuvvui 1987:s, Med ord skal tyvene fordrives: Samenes episk poetiske diktning. Gaski lea álgoálggolaš Deanus Finnmárkkus eret, ja lea 2018 rájes assán ruovttogilážis, Sieiddás Deanogáttis.
