Jalvvi Niillas Holmberg lea čálli Deanus eret. Son lea čállán diktagirjjiid, románaid, esseaid ja filbma- ja teáhtermánusiid. Girjjiidisguin son lea vuoitán máŋggaid bálkkašumiid sihke riikkaidgaskasaš ja našunála dásis dego maiddái Sámis, main maŋimuš lea Sámi Ráđi girjjálašvuođabálkkašupmi 2026. Dan son vuittii románain Goatnelle, mii gieđahallá vuostefámuid ja ruossalasvuođaid dálá sápmelačča eallimis. Eanavuđot árbediehtu, searvvuš ja anti-koloniála tematihkká leat dávjá su bargguid vuođđun. 

Vásit ovtta min čaffamus sámi čálliin ja gula su jurdagiid girjjálašvuođa ja identitehta birra!