Dán giđđadálvvi dagahii Sámi Grand Prix garra digaštallama go ovdanbuktojuvvui lávlla mas lei dárogielat teaksta. Galgá go SGP diktit dárogielat lávlagiid leat fárus vai lea go digaštallan albma ilmmas dan birra gii lea doarvái sápmelaš? Lea go mis duođas dárbu suddjet dan moadde sámegielat arena mat mis leat, vai olgguštit go garra giellagáibádusat sin guđet leat massán gielaset dáruiduhttima geažil?  

Soapmásat vásihit ahte skandinávalaš gielaid fátmmasteapmi livččii láivudit ovtta dain deháleamos arenain gos sámegiela ahtanuššá ja čalmmustahttojuvvo. Iežáid mielas sáhttá earuheapmi dovdot vuoigatmeahttumin ja sáhttet loavkašuvvat, áiggis go oallugat rahčet máhcahit identitehta mii sis lea rivvejuvvon.  

Riddu Riđđu bovde rabas ja diđolaš lávdeságastallamii gos váldit digaštallama eret interneahta kommentárain ja loktet dan lávdde ala.  

Panela: 

Katri Somby

Jesse Hætta, Sámi Beassášmárkanii artistovddasvástideaddji

Johan Ailo Kalstad, NRK Sámi direktevra