Don dieđihat iežat Sámedikki jienastuslohkui, oahpat kultuvrra dovdat, oahpat sámegiela, gárvodat sámi biktasiid, válddát atnui sami čiŋaid, oasttát sámi latnjagálvvuid, gohčodat beatnagat sámi namain, ja vástidat vel “jo” go jerret leatgo sápmelaš. Muhto álo lea dattege eahpádus mii dávjá ihtá. Mas dat vuolgá? Šattatgo goassege iežat dovdat doarvái sápmelažžan?

7% sápmelaš lea maid čáliiga Eirin Roseneng ja Karoline Garvang, ja maid lávdádii Heta Kerokoski. Čájálmasa fáddá lea gullevašvuohta (identitehta), ja vuolggasadji lea sámi kultuvra. Das lea sáhkan olbmo váillálaš dovdu sápmelašvuođastis. Geat leat sii guđet sáhttet loahpalaččat mearridit du gullevašvuođa? Man mearrái galgá olmmoš dovdat iežas sápmelažžan, dážan, nissonolmmožin, olmmáiolmmožin ovdalgo dat lea nuppiide dohkálaš?

Čájálmas siskkilda gullevašvuođa (identitehta), geahčastemiid, oaidnemeahttun fápmostruktuvrraid, bilkidemiid, ja dange mo olbmui dovdo  leat “ođđa sápmelaš” dakkár “Sámis” mas ain leat dáruiduhttima hávit.

Lávddis mii deaivvadit Ođđa sápmelaččain (guhte lea Eirin Roseneng) ihkku ovdalaš Sámi Álbmotbeaivvi. Son bargá rahčá gárvisin goarrut čáppa gávtti, muhto juoga manai jorgut ja sutnje danne bohte garra dovddut mat dolvvodedje su mátkái mas son deaivá máŋga sierra olbmo, sihke sámiid, dážaid ja máddilaččaid, ja sin buohkaid neavttástallá Karoline Garvang. Gehppes lihkastagaiguin Ođđa sápmelačča birra gissojuvvojit stuorra mearis váhtešat mat lihkadedje, gávttit mat girddašedje ja muittut mat vulge sápmelašvuođas. Dan gaskka son fuomáša arvat duššiid, muhto morašlaš duohta áššiid sámiid birra.