Nagirčalmmiid lei reakšuvdna mearehis láittasvuhtii mii čuovui covid-19, 2020 giđa. Go eallin lea lossat de čállá vel losit musihka. Válljiiga doom-metala, muhto dagaiga dan iežaska ládje. Dás gullo buot, lossa ja sitkadis riff, blast beats, melankolalaš akkordat post-garrarocka vuoiŋŋain, punka leavttuin ja vuogas juoigamiin masa vel gadja lea lasihuvvon.

Jagi 2020 luittiiga iežaska namahuvvon EP ja 2022:s bođii siŋgel, “Suoivva”. Govvideaba konsearttaideaskka ná: “Guokte punkára geat soaittáhagas čuojaheaba dooma”. Leaba dál válbmeme vuosttašskearruska man namma lea “Down To The Bone”, maid guossit sáhttet illudit gullat Ridduguolbanis!

Club Lávvu lea ovttasbargu IDJA - Sámi Club Night.