Standing Rock oaččui ollu fuomášumi go gižžu “Black Snake”, dahje čáhppes gearpmaš, vuostá álggii cuoŋománus 2016. Lakota-álbmoga vuostálastin lea bistán jo 500 jagi. Jagiid čađa leat sii vásihan assimilerema, šiehtadusrihkkuma, eanasuoládeami ja vearredaguid.

Øyvind Ravna lea professor riektediehtagis UiT Norgga árktalaš universitehtas, ja son bargá erenomážit sáme- ja álgoálbmotrivttiin. 2018:s son almmustahti girjji “From Little Bighorn to Standing Rock”. USA:s leat 573 iešguđet álgoálbmoga. Ravna girji lea muitalus Gaskaoarjji duoddariid álgoálbmogiid historjjá ja dálááiggi birra.