Slincraze lea artista guhte lea dagahan ahte sámegielat ráppa šattai dovddusin, ja son lea loaiddastan sámi deháleamos jienaid gaskkii. Maŋemus jagiid lea Slincraze muitalus šaddan filbman, son lea almmuhan moanat lávlagiid ja lea leamaš oassin ollu musihkalaš ovttasbargguin. Su ráppapoesiijas atná dávjá iežas eallinmuitalusa vuolggasadjin, ja son lea láhčán saji ollu dehálaš servodatdigaštallamiidda Sámis, dál maŋemus áššis mii guoská Jovsset Ánte Sara ealu bággenjuovvamii. Slincraze lea juste dál garra eallindilálašvuođas ja Riddu Riđđu 2019:s doallá son vuosttaš konsearttas dan rájes go oaččui borasdávdadiagnosa golggotmánus 2018:s. Slincraze buktá lávdde nalde dan maid álo láve – bávki konseartta váibmui čuohcci rehálašvuođain!