Gokko leat rájit eamiálbmogiid kulturdovddahemiid ođasmahttimis ja gii mearrida daid? Sáhttágo vaikko govt dahkat, nu guhká go sápmelaččat ieža háliidit dan?

Juoigan prográmmain “Muitte mu” ja “Stjernekamp” lea dahkan luođi oainnusin TV:s, muhto maiddái dagahan báhkka digaštallama Sámis das ahte gii galgá sáhttit kommersialiseret juoigama ja mainna lágiin. Sullasaš digaštallamat leat Kanadas Indigenous Music Awards aktavuođas, ja  guovdilastá gii sáhttá katajjaqa, inuihtaid čottalávluma, atnit popmusihkas.

Makkár vejolašvuođat leat eamiálbmotartisttain oainnusin šaddat globála musihkkaindustriijas? Sáhttetgo lávlut árbevirolaš gielaidasaset vai fertejitgo lávlut eanetlohkoálbmoga gillii ovdalgo sin guldališgohtet?