Duohtavuođa- ja seanadankommišuvdna ásahuvvui Stuoradikkis jagis 2018 ja galgá guorahallat dáruiduhttinpolitihka ja vearrivuođaid mat leat dahkkon sápmelaččaide, kvenaide ja dáččasuopmelaččaide. Kommišuvnna jođiheaddji Dagfinn Høybråten ja kommišuvdnalahtut Liv Inger Somby ja Marit Myrvoll bohtet Riddu Riđđui muitalit kommišuvnna barggus. Sii oassálastet semináras bearjadaga 12.7, gos álbmot beassá hupmat kommišuvnna lahtuiguin. Dasa lassin lea Duohtavuođa- ja seanadankommišuvnnas sierra lávvu Riddu guolbanis lávvordaga 13.7, gos olbmot besset deaivvadit singuin veaháš eanet priváhta dilálašvuođas.

Seminára lea sámegillii ja dárogillii, ja tulkojuvvo.

Lágideapmi lea ovttasbargu gaskkal Riddu Riddu Festivála ja Davvi álbmogiid guovddáža.