Opphav + Risten Anine

Konsearttat

Opphav lea beaggán go áŋgiruššá Davvi-Norgga kultuvrra ovddas. Soai vuohkkasit seaguheaba ráppa, slampoesiija ja visemusihka vugiin maid buoremusat sáhttá válddahit álbmotráppan. Čalmmustahttiba fáttáid čadnon Davvi-Norgga riddogátti eallimii, álbmogii, kultuvrii ja lundui. Dálkkádatpolitihkalaš gažaldagat, guolástanpolitihkka ja dásseárvu leat hui badjin sudno vuoruhemiin. Álbmotráppár-guovttos leaba mátkkoštan miehtá riika, muhto erenoamáš ollu Davvi-Norggas, ja leaba beaggán lagas, beroštumi bokti ja iešlágán konsearttaideaskkaguin. Maŋemus jagi leaba liekkadan gehččiid ovdal Mari Boine, čuojahan Trænafestiválas, Kråkeslottfestiválas ja ollu eará sajiin. Dás gávnnada politihkka, slampoesiija ja musihkka hearvás ja iešlágán ovttastumis. Sudno ovttasdoaibman hábme poesiija- ja musihkkavásáhusa mii ii leat nu dábálaš. Boađusin lea erenoamáš seaguhus leaikkas, satiirras, šárkaromantihkas ja bastilis vuosttaldanlávlagiin. Hárve gávnnat joavkku mii dakkár miellalági ja lagasvuođa ráhkada.     

Risten Anine lea nuorra sámi dáiddár ja juoigi Kvernmos/Guovdageainnus eret. Jagis 2019 guorahallá son gaskavuođa gaskkal davvinorgalaš ja sámi árbbi musihkalaš ovttasbarggus Opphav nammasaš Romssajoavkkuin.

 

share

Boahttevaš dáhpáhusat

Konsearttat, Dán jagi davviálbmot
20:30
Lávdi
Konsearttat
22:00
Lávdi
Konsearttat
23:30
Lávdi