Mimie Märak, Niillas Holmberg ja Sarakka Gaup leat nuorra sámi poehtat geat bohtet golmma riikkas ja geain leat golbma iešguđetlágán vuogi birastit poesiija. Buot golbmasis lea buolli beroštupmi sámi kultuvrii ja birasgáhttemii. Makkár váikkuhus poesiijas lea dálá sámi servodahkii ja dan oktavuhtii luondduin lea ovdamearka fáttáin maid guoskkahit ságastallamis maid Máret Ánne Sara jođiha. Märak ráhkada poetry slam ja spoken word, ja lea maiddái neavttár. Holmberg lea guovtti diktačoakkáldaga rámiduvvon čálli, ja musihkkar ja neavttár. Gaup lea neavttár ja poehta. Sara lea girječálli ja dáiddár.