Dancing Earth lea máilmmibeakkán eamiálbmotdánsunkompaniija USA:s eret. Sis lea mihttun ealáskahttit kultuvrra ja servodaga eamiálbmotdánsuma bokte. Dánsunkompaniija háliida ahte geahččit galget oažžut čiekŋaleappo ipmárdusa gaskavuođain gaskal eatnama, čázi, elliid ja šattuid. Dancing Earth dáhttu vuosihit gullevašvuođa dan guvlui ja daidda dilálašvuođaide mat leat báikkis gos galget bargat. Riddu Riđđus galget ovttas sámi lávdedáiddáriiguin ráhkadit čájáhusa man vuođđun leat sin searve vásáhusat ja hástalusat čadnon dasa movt lea eallit eamiálbmogin. 

Oasálaccat:Rulan Tangen, Sarakka Gaup, Anne Pesata, Ana Maria Guadalupe Salazar, Natalie Benally, Marte Sarre Fjellheim. 

Prošeavtta dorjot: US Embassy Oslo