Duorastat- ja bearjadateahkeda bovdet «Klub Lávvui» dáhpáhussii Bálddalávuin. Doppe beasat guhkes, čuvges geasseijá dánsedit hearvás ja ritmalaš šuoŋaide. Biti bonjasta fas albma riemuid bearjadateahkeda. Biti lea DJ ja buvttada ieš lávlagiiddis, ja lea okta vuosttažiin gii lea remixen ja hábmen iežas veršuvnnaid dovddus sámi lávlagiin. Ahkemearri lea 18 jagi.