Dán jagi álggahuvvo bargu Áhči áittiin – guhkesáigásaš huksenprošeakta mii álgá Mercedes Sprinteriin. Prošeavtta vuođđun lea sámi áitekultuvra ja brikoláša – daga-ieš-bargu. 

Áhči áiti lea čoaggananbáiki vuollin Riddu-guolbanis gos sáhttá searvat duodjedoaimmaide, málesteapmái dahje dušše ságastit iežáiguin ja bosihit. Prošeavtta ovdánahttin lea rabas ja sáhttá rievdat ođđa jurdagiiguin, joavkkuiguin ja čovdosiiguin áiggi mielde.  

Dáiddárat Joar Nango ja Geir Tore Holm hábmeba Áhči áitti ovttas duojáriin Ove Stødliin ja earáiguin.

Govva