The Stitch Project álggahuvvui Riddu Riđđus jagis 2012 go čieža Brasiilla, Islándda, Palestiinna, Ruoŧa ja Norggá dáiddára deaivvadedje. Dál galget dáiddárat vuot ain deaivvadit, loahpahit doaimmaset. Bovdejit gehččiid oassálastit 10 mehtara guhkkosaš beavdeliinni hervet sávnnjiiguin, ja beassat maiddái oahppat movt ulluid báidná luondduivnniiguin ja movt botná. Láigidit maiddái seminára gos čiekŋudit dáidagiin, ovttasbarggus ja báikkálaš áššiin.

Daid jagiid go doaibma lea bistán, lea The Stitch Project bovdejuvvon badjel 20 iešguđetlágán dáidda- ja teáhterfestiválaide Palestiinnas, Islánddas, Ruoŧas, Látvias, Ukrainas ja Norggás.