Bearaščájáhus mas Sarakka Gaup muitala fearána Márjjás, guhte muhtin geassebeaivvi gávdná stuora spáppa. Fáhkkestaga máhttá elliid giela ja kanarigáranas, mii lea noaideloddi, civkala sutnje ahte spábba lea máilmmi siskkoš, ja ahte čoavjeguovdi, mii dolaha máilmmi čoahkis, dárbbaša su dakkaviđe! Guovdi ássá guovdu eatnama. Nieida mearrida mátkkoštit dohko beastit máilmmi, ja deaivvada ollu hástalusaiguin mátkkistis.

Jurdda, luođit ja musihkka leat Georg Buljo bokte.