Dá de lea juoga maid GUHKÁ leat háliidan! Northern Cree lea okta eanemus dovddus powwow- ja Round Dance-joavkkuin, ja dál bohtet sii min festiválii! 

Northern Cree, mii maid beaggá Northern Cree Singersin, lea árbevirolaš musihkkamáilmmis namma mii cieggá muitui, ja sii leat duođaid čájehan attáldagaideaset kanadalaš ja riikkaidgaskasaš lávddis.    

Joavkku álggahedje 1982:s čeahpes Wood-vieljažagat – Steve, Randy, Charlie ja Earl – Saddle Lake Cree Nationis eret Maskwacisis, Albertas, ja leat dan rájes šaddan autenttalaš eamiálbmotárbevieruid ja musihka symbolan. Sis leat háhppehan ráhkadit badjel 35 álbuma ja olles ovcci geardde nammaduvvon Grammy-bálkkašupmái. 

Northern Cree lea ovttasbargan beakkálmasaiguin nugo The Halluci Nation (mii ovdal lei A Tribe Called Red), M.I.A. ja Santigold – ja sii jotket sirdit rájiid iežaset sierralunddot árbevirolaš ritmmaid ja ođđaáigásaš sounda seaguhusain.   

Ale fal manat vejolašvuođa beassat gullat ja vásihit Northern Cree musihka fámu Riddu Riđđus dán geasi.  

Northern Cree ovddasta maiddái Dán jagi davviálbmoga, namalassii nêhiyawak,  mii maiddái gohčoduvvo Cree.